hezkuntzarenmuseoa@ehu.eus; museoeducacion@ehu.eus

 

" />
  • English
    Español
    Euskera
    Français

L’afranquida deu congrès que vira au torn de quate èishs on s’i abordarà en cadun la tematica generau deu congrès. La presentacion de las comunicacions que’s harà en quate taulas parallèlas:

  • Lengas. En aqueste èish, las comunicacions que deveràn virar, au demiei d’autes tèmas, au torn deus usatges sociaus de las lengas (euskara, castelhan, francés, occitan, etc.) ; lo  paisatge lingüistic (la representacion de las lengas capvath lo territòri e los espacis de vita amassa) ;  Multilingüisme e las soas perspectivas teoricas e metodologicas e procediments de normalizacion lingüistica.

  • Educacion e lengas. Los tèmas clau qui pòden estar abordats en aqueste èish que pòden estar la formacion deus ensenhaires e las lengas, la responsa deus sistèmas educatius au multilingüisme, la preséncia de las lengas en los plans d’estudi ; experiéncias educativas multilinguas, proposicions innovantas entà incorporar las lengas en l’educacion, usatges educatius de la lenga, la preséncia de las lengas en los  manuaus escolars, etc.

  • Patrimòni educatiu e lengas. En aqueste tresau èish que i son esperadas comunicacions qui tracten de las relacions enter los musèus e lo patrimòni lingüistic, las lengas com patrimòni immateriau ; lo patrimòni istorico-educatiu e las lengas, transmission deu patrimòni lingüistic ; educacion patrimoniau en relacion dab la lenga, etc.

  • Identitat.  Lo quatau èish, dab ua ua perspectiva generau, que vòu recuélher contribucions qui arreliguen l’importància de la construccion d’identitats a partir de la lenga. En aquesta tòca, que’s pòden abordar tematicas com Identitats culturaus e lingüisticas, elements de la construccion identitària, nacionalisme e lenga o politicas sus las identitats nacionaus/culturaus e lingüisticas.

La proposicion de comunicacions que’s deverà har abans lo 30 de junh 2018 en emplenar lo formulari qui segueish. La pagèra maximau de las proposicions que  serà de 250 mots.

Lo tèxte complet de la comunicacion, un còp admesa la proposicion, que deverá estar remetut en emplegar lo modèle deu congrès abans lo 25 de seteme.  Totas las comunicacions admetudas e remetudas en los temps e fòrma que serán publicadas en un libe dab ISBN editat au format numeric.